Mae GALWAD wedi’i datblygu gyda dros 200 o weithwyr llawrydd ar draws y sectorau perfformio, ffilm, teledu, technoleg ddigidol a chynaliadwyedd. Ein nod oedd i GALWAD adeiladu ar dalentau eithriadol pobl greadigol a chriwiau cynhyrchu yng Nghymru, a chwilio am sut i gefnogi a meithrin talent newydd – gan ganolbwyntio’n benodol ar gastio a recriwtio cynhwysol. 

​

Mae ein rhaglen sgiliau wedi cynnwys cyfleoedd hyfforddi Troed yn y Drws ar wneud y Ddrama Deledu, hyfforddiant Ymwybyddiaeth o Fyddardod ac Anabledd i weithwyr llawrydd a’n tîm prosiect, cyfleoedd camu i fyny ar draws ein tîm cynhyrchu ar gyfer gweithwyr llawrydd a 12 o feicro-gomisiynau ysgrifennu, yn ogystal â rhaglen chwe mis ar gyfer 12 o aelodau Cwmni Ifanc.

​

Os hoffech chi fod yn rhan o'r prosiect, dilynwch ein cyfryngau cymdeithasol i gael y newyddion diweddaraf am gyfleoedd neu cysylltwch â ni yn recruitment@collective.cymru. 

​

Llun: Drama deledu GALWAD mewn Cynhyrchiad Llun gan Kirsten McTernan